لو موش جعان كنت هريت بدنك. إنما لو ... والله لو حكمت أربط حجر على بطني.

السيد :

ساكت ليه يا فرفور ، جعان ولا خرمان، ولا راكبك الهم من الفلس، تحب أسلفك؟ (يخرج محفظة ضخمة من جيبه)

يا نهار اسود، دا أنا راخر المحفظة مابقاش فيها غير عشرة جنيه ... إنما معلهش، عبال ما أبتدي أنا أحس بالجوع يكون هو بيطلعوا له شهادة الوفاة.

صوت زوجة السيد :

يا حبيبي النهاردة خمسة في الشهر (بصوت مؤدب من خلف الستار)

وما ادتنيش المصاريف، إنت موش عارف إن الشهر ده عندنا كمان فلوس الخياطة، اعمل حسابك، أنا حابتدي أزعل أهو، وإذا ما جبتش الفلوس بكرة، ما أقدرش أقولك بقى أنا حاعمل إيه.

فرفور في حالة إضراب بينما السيد يهدده.

صوت زوجة فرفور :

بقى بذمتك موش مكسوف من روحك، باعت لي نص فرنك مع الواد، أعمل بيه إيه النص فرنك ده، أفكه وأدفع منه أجرة الأودة، وكل ما أكلمك تقول لي بكرة تفرج. والنبي، وحياة الإمام الشافعي، وستنا سكينة، إن جيت بكرة من غير فلوس لموكلاك انت وولادك طين، والنبي لأعملها وبكرة تشوف.

Shafi da ba'a sani ba