هانم :

يسموه داء العروق، وإنه ناتج من غم.

جودة :

طيب والعروق دول مالهمش دوا يا ستي؟

هانم :

أنا عارفة يا جودة. الظاهر إن الحكما احتارت. وحكيم البيت بيقول لازم له يغير هوا؛ لأن جسمه سليم، فقط حاصل له ضيقة صدر. فشم الهوا والتسالي يمكن تقيم الغمة اللي على قلبه.

جودة :

إن شا الله يا ستي، إن شا الله، ربنا يشفيه، ويعود علينا أيام الهنا، ويرجع بيتنا زي ما كان. دا ما كنش يعدي يوم علينا من غير ما يكون عندنا عزومة بالضهر أو بالليل، وكان سيدي الخواجة دايما مبسوط وفرحان. يخي الله يلعن أبو الغم وما يتأتى منه.

هانم :

صحيح؛ لأن من يوم ما جاله خبر عمي من اسطنبول وهي مسكاه السورة.

Shafi da ba'a sani ba