عبد الستار (منفردا) :

كدة يا عبد الستار تخاف منهم وتظهر الجبن! برضو إنت وعدت نفسك بكدة! وبعدين؟ ماهي البنت بنتي، وماحدش يقدر يجوزها غصب عني. لكن الخوف والجبن اللي ربنا بليك بيهم! يعني ليه يا ربي بس. أديك قدرتني على الخناق والزعيق. إمتى يا رب تقدرني على الضرب. يا رب. يا رب. بقى يا ربي مافيش حد في البيت ده يحبني.

خليفة (داخلا) :

موش قلت لك إن ماحدش يحبك في البيت ده غيري.

عبد الستار :

خليفة. خليفة إنت جيت في وقتك يا خليفة. سمعت يا خليفة اللي قالوه؟! شفت يا خليفة اللي عملوه؟!

خليفة :

ما تخافشي يا سيدي. اللي خلقك ما ينساكش.

عبد الستار :

واعمل إيه يا خليفة؟

Shafi da ba'a sani ba