رجال التشخيص
القطعة الأولى
القطعة الثانية
القطعة الثالثة
رجال التشخيص
القطعة الأولى
القطعة الثانية
القطعة الثالثة
مدرسة الأزواج
مدرسة الأزواج
Page inconnue
تأليف
محمد عثمان جلال
مدرسة الأزواج وهي ثلاثة قطع.
إن تكن المرأة ذات خفة
ولم تكن أصيلة في العفة
فحبسها أو حجزها لا ينفع
لأنها من كل باب تطلع
رجال التشخيص
أمين وأدهم:
أخوين.
Page inconnue
ظريفة وبدور:
أختين.
حسنة:
خدامة بدور.
نصير:
عاشق ظريفة.
إبراهيم:
خادم نصير.
واحد:
معاون.
Page inconnue
واحد:
مأذون.
القطعة الأولى
المنظر الأول (أمين وأدهم)
أمين :
يكفا كلام في كل ساعة يا جدع
كتر الكلام مع النزاع ما له نفع
أعيش على كيفي ولا اختص بك
وانت كماني عيش زي ما يعجبك
ولو تكون في العمر أكبر برضنه
Page inconnue
الاتنين بعون الله نعرف بعضنه
واكتر كلامك بوش أنا ما أسمعه
والرأي لو تعطيه صائب ما اتبعه
وفر على روحك كلامك بعد ده
أنا كتير مرتاح من العيشة كده
أدهم :
الناس كتير على دي المعيشة ينبطم
أمين :
بس المجانين اللي زيك يسخطم
أدهم :
Page inconnue
وصل جميلك والسفه ما هو مليح
أنا كفرت اللي بقول لك علصحيح؟!
أمين :
حيث إنها وصلت معاك للحد ده
وغلبت تحكي لي وانا ساكت كده
قل لي بقا عللي سمعته واوصفه
على شان انا لاخر أموزه واعرفه
أدهم :
أهو جمود الطبع اللي فيك ظهر
مع الحماقة والنفور اللي اشتهر
Page inconnue
خليت جميع الناس تضرب بك المثل
حتى الهدوم اللي عليك طلعت شضل
أمين :
بدك أوافقكم وللموضة امتثل
وكل ساعة باللونضة اغتسل
والبس قميص مكوي وحتت بنطلون
وكل ساعة أشتري من كرتلون
وأقلد اصحابك بسترة وانزنق
ورباط للرقبة وزيك انخنق
واقنعر الطربوش واغطي جبهتي
Page inconnue
واسبسب الشوشة وابين قصتي
واشك لي استيك ولو انه شكك
واشرب سجارة من ورق وارمي الشبك
وابطل المركوب وألبس لستكة
واقعد على القهوة وأشرب مستكة
واستعمل البدرة وأحلق لحيتي
وفي سرير أنعس وابطل فرشتي
ان كان بدولي أعجبك دا شيء خفيف
إياك ابقا زيكم واحد لطيف
أدهم :
Page inconnue
القصد تبقا زي غيرك في البلد
من خوف لا ينقد عليك منهم أحد
وتوافق العالم على ما هم عليه
أيوا المخالفة والمفارقة بس ليه
إن بدلوا الموضة تبدل زيهم
لا تكون واصل قبلهم ولا بعدهم
ولا تدقق زي بعض الناس كتير
وبدال لبس القطن تلبس لك حرير
وتحطلك كفة وجبرة في الدلاب
مش كل ده معدود من رأي الصواب
Page inconnue
بس انت زي الناس اعمل حيث كان
بدك تخالف لجل ما يقولوا: فلان
أمين :
واسمك كبير عني وتحكي دالحديت
الشيب على راسك ولسا ما دريت
تفضل لإمتا يا أخي تنتفع كده
حشم شوية حيث بلغت العمر ده
أدهم :
هوا كمان دا ذنب تنك تمسكه
وكل من شابت دماغه تهتكه
Page inconnue
وكل ما تشوفني مصلح أو نضيف
أو بس لابس طقم أو طربوش لطيف
تقعد تعزرني وتلزمني السكوت
هو كل شايب عندكم لازم يموت؟!
ولا يدان لابس هدوم موسخة
ومن العماص تصبح عيونه منفخة
أمين :
من حيث كان أنا هدومي كلها
جيا على قدي وانا مبسوط بها
ما دام طربوشي على راسي فسح
Page inconnue
وكل ما يقدم أهو بينمسح
وجبتي من جوخ صايه للدفه
ونعل مركوبي شبيه القلحفة
اللي اعجبه يسكت واللي ما اعجبه
يغمض العينين لما أمر به
المنظر الثاني (بدور وظريفة وحسنة، ويكون أدهم وأمين واقفين بعيد عن الناس في آخر التياتر، ويتحدثوا مع بعض بشويش.)
بدور (لظريفة) :
ما لك كده يختي صبح حالك عدم؟!
حسنة (لظريفة) :
من حبستك في البيت صبح ما فيكي دم
Page inconnue
ظريفة :
أهو كده طبعه ... ... ...
بدور : ... ... ... وليه يعمل كده؟!
حسنة (لبدور) :
لكن أخوه طبعه جميل مش زي ده
والله يا ستي إن بختك جا عدل
اللي ما جا في وقعتك راجل رذل
بدور :
على الخصوص اليوم معرف اش دعاه
لا سك لي ضبة ولا خدني معاه
Page inconnue
حسنة :
يسك بيتك ليه سكه كبتين
أمين (وهو ماشي يقابل بدور) :
ما لك كده يا بنت رايحة بس فين
بدور :
راح آخد أختي لجل نتفسح سوا
لابو السعود الجارحي نشم الهوا
أمين :
روحي انتي وحدك زي ما يكون يعجبك (ويشاور على حسنة الخدامة.)
وادي كمان واحدة معاكي تصحبك (ويقول لظريفة):
Page inconnue
أما انتي أوعي بس ملباب تطلعي
وإذا أردتي تخرجي يكون معي
أدهم :
وليه كده مش يخرجوا يتفسحم
طبع الشباب يجروا سوا ويرمحم
أمين :
كل الشباب اللي كده دول مجنين
لا بالشمال تأمن لهم ولا باليمين
أدهم :
طيب، على الفسحة تروح مع أختها
Page inconnue
أمين :
تخرج معايا بس إن كان بدها
أدهم :
دا مش كلام ... ... ... ...
أمين : ... ... ... شغلي أنا وأعرفه
واللي بيلبس توب أهو بينضفه
أدهم :
وخروجها مع أختها مين عيبه؟!
أمين :
أهو كل واحد يعمل اللي يعجبه
Page inconnue
دول مش يتاما وأبوهم قال لنا
هم في وصيتكم وعلقهم بنا
وقال تربوهم وإذا كبروا لكم
تجوزوهم أو تشوفوا شغلكم
وانت معك واحدة أهي اتكفل بها
وانا كمان زيك معايا أختها
دبر أمور اللي معك يا ألمعي
وأنا أدبر في أمور اللي معي
أدهم :
لكن بشوف ... ... ... ...
Page inconnue
أمين : ... ... ... وانا بشوف وخبرك
بصوت عالي أنصحك وادبرك
انتا تريد تمشي على رأي الحريم
وتجيب لها واحد أغا واسمه كريم
وتجيب لها كيخا وتخرج كل يوم
ويفوت عليها اليوم وهي ما تشوف نوم
وتقول حرية وتفضل في الكسل
وانت على قلبك أهو أحلى ملعسل
تعرف خلاصك يا أخي لكن أنا
بدي مراتي تنها قاعدة هنا
Page inconnue
تفضل أميرة عاقلة ومأدبة
ديما لحاجة بيتها مرتبة
تقعد تنقي قمح وتطبق غسيل
ولا تخيط في يلك كمه طويل
لا تستمع قالوا وقلنا لا ولا
لوحدها تخرج وتمشي في الخلا
أحسن كمان يحصل كده ولا كده
أنا مليشي قلب يحمل كل ده
وتكون سبب لي في الزعل أو الجنون
وتجد في راسي من الغفلة قرون
Page inconnue
حيث إنها هيا بقت في ذمتي
وبالكتاب لا شك تطلع حرمتي
واجب عليا اني أراقب ربها
ما دمت عند الناس بقيت مسئول بها
ظريفة :
واش أحوجك لده وده؟! ... ...
أمين : ... ... ... ... هس اخرسي!
أوعي تقولي بم أو تتنفسي!
بدور :
وتخاف على أختي إذا خرجت معي؟!
Page inconnue