إيه العيلة المهووسة اللي ربنا وقعني فيها دي يا خواتي؟ إلهي يجازي اللي كان السبب.
كوثر (داخلة من الباب الأيسر ومعها مقشة أخرى) :
مالها العيلة يا ست هانم! مش قد المقام؟
فردوس (تنظر إليها ولا تجيب، ثم تخاطب الحائط الذي أمامها) :
إيه الرزالة دي؟ حد داس لها على ديل دي رخرة؟ بقى يا رب رضينا بالغلب والغلب مش راضي بينا؟
كوثر :
حاكم هناك ... أصل هنا غلب والعشة اللي جاية منها سقفها نايلون.
فردوس (تهدد الحائط) :
إذا كان لسانك شبر أنا لساني دراع ... وإذا كان ليكي أهل يترد عليهم.
كوثر (تخاطب الحائط الآخر) :
Page inconnue