يا بني جيرانا مين وأهل إسكندرية مين؟ أنا محدش جاع لما جعت، ولا حدش اتعرى لما اتعريت، اشمعنى ساعة الجوع أجوع لوحدي، وساعة الموت عايزني أموت علشانهم؟ ما حدش يابني بيجوع عن حد، ولا حدش بيموت عن حد. كل واحد بيدافع عن نفسه بس، ويدافع لما يكون حد مهاجمه.
سعد :
أمال لما المسألة كده كنت بتتعب وتجوع وتخاطر بحياتك علشانا ليه؟ ما قلتش ساعتها إن كل واحد مسئول عن نفسه.
نصار :
وانتم غرب عني يا بني؟ دا انتم عيلتي وأولادي، إنتم أنا.
سعد :
وأهي مصر رخرة أنا.
نصار :
انت ابني يا بني.
سعد :
Page inconnue