أبو ذر :

أنا ما عايز فطور في البيت ... عايز أفطر في المدرسة.

معاوية :

نيجي من المدرسة لحدي البيت في الحي الجنوبي، وتاني نرجع المدرسة حنلقى الجرس دقا والأستاذ حيدقنا ... ولكن ما في مشكلة ... أنا حاجي أفطر في البيت يا أمي بأي شيء.

زهرة :

إخوانك ديل ما عارفين حاجة ... ببكوا وما عارفين الميت منو ... (بصوت عال)

القروش كملت ... آخر ألفين حأعمل ليكم بيهم الغداء الليلة ... بكرة وبعد بكرة وبعده حتاكلوا لقمة بزيت لمن تكملوا شوال الدقيق وشوية الزيت الجابوهم الجماعة ديل، وبعد داك حتموتوا من الجوع أو تاكلوني أنا ذاتي ... (تأخذ وعاء قربها وترميه على الأرض بشدة في حركة غير متوقعة) .

آمنة (متجاهلة انفعال أمها) :

أنا ذاتي المدرسة ما نافعة معاي (تنتهي من تمشيط ضفيرة بحركة قلقة سريعة) ... أنا عايزة أبيع شاي في السوق الكبير أو الموقف أو كبري ستة أو حتى في سوق النوبة ... زي البنات ... آها ... كلمتك يا أمي، على الأقل أساعدك في رسوم المدرسة وأشتري ريحة كزيسة وكريمات وأشوف الدنيا دي فيها شنو ... أنا كرهت الفقر والجوع.

معاوية :

Page inconnue