وإيه الضرر يا تيزه؟ أنا والحمد لله بأشوف شغلي بنفسي، وياما حاجات كتير صلحتها في عزبتنا، وياما سرقات وغش وتدليس وخلافه. كل ده نضفته وعمال ليل نهار أشتغل.

حسن (سرا لأمين) :

مع إيفون.

أمين (لحسن سرا) :

اسكت أمال (لعزيزة هانم)

تلاقيني عمال ليل ونهار أشتغل وأوضب وأرتب لما صحتي بقت تقريبا عدم. إزاي بقى نينتي عاوزاني أروح المدرسة، وأسيب الشغل بتاعي في إيد النظار والمفتشين اللي ما يهمهمشي إلا السرقة والغش!

عزيزة :

لكن الشهادة شيء واجب.

أمين :

برضو أنا بأقول كده لكن عاوز أستن شوية لما ألاقي لي وكيل يقدر يقوم بأعمال الدايرة تمام.

Page inconnue