تفيدة :
كبرت؟ كبرت يعني إيه يا فهيم؟ أنا كبرت؟ شوف كلامك اللي زي الطوب! طبعا كبرت بالنسبة للبنت الكتكوتة اللي عندك في المكتب.
د. فهيم :
أووه!
تفيدة (تقلد صوته) :
حرام عليك يا تفيدة ما تسوئيش سمعة البنت. مين اللي قال إنها بنت؟ ومين اللي قال إن سمعتها نضيفة قوي! مش هي دي اللي هربت من أهلها عشان تتجوز عامل في المصنع، ويا ريته كان جواز! بقى يا أستاذ فهيم تبص لواحدة بالشكل ده؟! طب نقي حاجة كويسة تستاهل!
د. فهيم (غاضبا) :
اقفلي يا تفيدة الموضوع ده أحسن لك!
تفيدة (تهدأ) :
تقصد إيه؟ مالك زعلت كده؟
Página desconocida