تأجلها؟ هو العيا بيستنى يا سي رفاعي؟ لما العيان يموت؟

رفاعي :

يموت يموت. هو ما فيش دكتور غيرها في البلد؟ الدكاترة على قفا مين يشيل! (الدادة تنظر إليه في غيظ. تناوله طبقا فيه نوع من الطعام.)

الدادة :

كل. كل يا سي رفاعي كل ولا تغيرش دمك. زمان ست سعاد جاية.

رفاعي (في غضب) :

أنا مش حاسس اني حابقى راجل البيت أبدا. كل حاجة الدكتورة سعاد. الدكتورة سعاد. اليافطة مكتوب عليها الدكتورة سعاد. التليفونات كلها الدكتورة سعاد. الدكتورة سعاد راحت الدكتورة سعاد جت. كل حاجة الدكتورة، الدكتورة، وانا الراجل صفر على الشمال. ما بقاش لي اسم ، اسمي بقى خطيب الدكتورة. حاجة تجنن.

سعاد (في هدوء) :

إنت عارف يا رفاعي إن الدكتور له صلة كبيرة قوي بالناس. ومش عيب أبدا إن خطيبتك تكون دكتورة ناجحة وكل الناس بتطلبها، بالعكس دي حاجة تفرحك وتخليك مبسوط.

رفاعي :

Página desconocida