الرزق في كل حتة للي عاوز يشتغل. أنا حاروح أجيب لك الفاس يا علية.

الشاويشة :

علية كده حاف يا بت؟

زينب :

أيوة حاف؛ ما هي أصلها فلاحة زينا. وأنا كمان ماعرفش أقول يا ست أبدا، ولا أعرف أقول يا بيه ولا يا تيه. عمري قلت لك يا ست فهيمة؟ مش كده والا إيه؟ وعمرك سمعتيني أقول للمدير أو المأمور يا بيه؟ أبدا، هي اللي تقتل تقول يا بيه؟ هي اللي تقتل تخاف؟ ده الناس هي اللي تخاف منها! (تخاطب علية من بين القضبان وهي تجري.)

زينب :

والنبي لاروح أجيب لك الفاس، وازرعي الحوش زي ما أنت عاوزة، ازرعي الحوش وخليه كده يخضر ويرعرع.

علية :

والتقاوي، هاتي شوية تقاوي ملوخية على جرجير على بقدونس على فول حراتي.

سالمة (تقفز في فرح) :

Página desconocida