محمود :

وازاي الحال دلوقتي؟

مرجريت (وهي تشتغل بكي الملابس) :

الحمد لله أهه من يوم ما حسن ساب أهله واتجوزته واحنا عايشين في الشقه دي في خير وسلام.

محمود :

حقه كانت حكايته طويله وعريضه.

مرجريت :

دي كانت رواية يا محمود بيه. أنا عمري ما أنسى ساعة ماخرجنا من بيت الباشا، والا ساعة ما أجرنا الشقة دي، والا ساعة ما استخدم حسن في دكان الجمال بسته جنيه في الشهر، والا ساعة ما ولدت القطقوط الصغير ده. لكن كل الحاجات دي انتهت مع الوقت. أهو بقى لنا سنه دلوقتي وبكره السنين والأيام تفوت أوام.

محمود :

وعزيزة هانم مش بتيجي برضو من وقت لآخر؟

Página desconocida