الباشا :

فدايه؟ إيه الكلام ده! ده بقى موش كفاية إني أروح لحسن باشا رضوان أقوم ما ألقاهوش في البيت، وكمان أدي لواحد شحات حتة بخمسة. يا خبر اسود. يا خبر اسود.

محمود :

معلهش يا باشا.

الباشا :

معلهش ازاي! دي حتة بخمسه الواحد يشترى بها رطل لحمه آه يانا آه يانا، وقعدت أنده على الشحات عشان آخد منه الخمس قروش ما أمكنش أبدا. بقى يجري زي الوابور ابن الكلب.

محمود (لعزيزة) :

لازم الواحد يفكر في مسأله تخليه يخرج عشان ما يقابلش مرجريت.

عزيزة :

برضوه كده.

Página desconocida