دي قلة أدب وقلة حيا ودناءة وسفالة وانحطاط أدبي.

هانم :

ح تجيب الريال ولا لأ؟

عبد الستار :

باقول لك دي قلة أدب وقلة حيا.

المشهد الحادي عشر (عبد الستار - هانم - عفيفي)

عفيفي (داخلا، مرتديا ملابسه) :

إيه هو اللي قلة أدب وقلة حيا وانحطاط أدبي؟ يعني إيه الكلام ده؟

عبد الستار (يضحك ضحكة باردة) :

دنا كنت بتكلم مع هانم على عم خليفة البواب، وكانت بتقول لي إنه ما بيرضاش يفتح الباب للي بيخبطو. آم طلع خلقي وقعدت أقول لها دي قلة أدب وقلة حيا وانحطاط أدبي. موش برضو إنت من رأيي يا عفيفي؟ موش كدة يا هانم؟

Página desconocida