কাব্দ সাত্তার আফেন্দি
عبد الستار أفندي: كوميديا مصرية أخلاقية ذات أربعة فصول
জনগুলি
أشخاص الرواية
الفصل الأول
الفصل الثاني
الفصل الثالث
الفصل الرابع
أشخاص الرواية
الفصل الأول
الفصل الثاني
الفصل الثالث
الفصل الرابع
অজানা পৃষ্ঠা
عبد الستار أفندي
عبد الستار أفندي
كوميديا مصرية أخلاقية ذات أربعة فصول
تأليف
محمد تيمور
مثلها لأول مرة بمسرح دار التمثيل العربي الأستاذ عزيز عيد في فرقة السيدة منيرة المهدية في ديسمبر سنة 1918.
أشخاص الرواية
عبد الستار:
موظف بنظارة الأوقاف، عمره 52 سنة.
عم خليفة:
অজানা পৃষ্ঠা
بواب ومربي بالمنزل، عمره 60 سنة.
عفيفي:
ابن عبد الستار، لا شغل له، عمره 23 سنة.
بليغ:
شاب مهذب محب لبنت عبد الستار، عمره 21 سنة.
فرحات:
صديق عفيفي، شاب سيئ السير، عمره 28 سنة.
المأذون:
شيخ معمم، عمره 40 سنة.
الضابط:
অজানা পৃষ্ঠা
عمره 35 سنة.
نفوسة:
زوجة عبد الستار، عمرها 45 سنة.
هانم:
خادمة بالمنزل، عمرها 18 سنة.
جميلة:
بنت عبد الستار، عمرها 28 سنة.
وكان لأول مرة:
الأستاذ عزيز عيد:
في دور عبد الستار أفندي.
অজানা পৃষ্ঠা
أحمد فهيم:
في دور عم خليفة.
زكي طليمات:
في دور عفيفي.
أحمد حافظ:
في دور بليغ.
عبد المجيد شكري:
في دور فرحات.
حسن فايق:
في دور المأذون.
অজানা পৃষ্ঠা
محمود فهمي:
في دور الضابط.
وكانت لأول مرة:
السيدة روز اليوسف:
في دور هانم.
السيدة زاهية:
في دور نفوسة.
السيدة لطيفة أمين:
في دور جميلة.
الفصل الأول
অজানা পৃষ্ঠা
(غرفة الجلوس بمنزل عبد الستار أفندي. بناء على الطراز القديم الذي ما برح يرى بجهة سيدنا الحسين وما جاورها. مشربية (شباك) في صدر المكان تطل على فناء المنزل. باب في اليمين يؤدي إلى الخارج، وآخر جهة اليسار يؤدي إلى داخل المنزل، وسائد (شلت) تغطي «المصطبة» التي تحت المشربية. «ترابيزة» تتوسط «كنبة» وعدة كراسي قديمة. ترفع الستار عن نفوسة جالسة على المصطبة وأمامها الشيشة.)
المشهد الأول (نفوسة - خليفة)
نفوسة (تسمع دقا على باب المنزل وتنادي) :
عم خليفة، عم خليفة. يا خليفة! شوفي ياختي الراجل ما بيردش. خليفة! جرى إيه يا عم خليفة الباب بيخبط؟! يا عم خليفة!
خليفة (من الفناء) :
نعم.
نفوسة :
إنت فين؟ مانتش سامع الباب عمال بيخبط م الصبح، وانا بانده عليك. إنت نايم ولا إيه؟
خليفة (من الفناء) :
لا. كنت بلا قافية في المرتفق.
অজানা পৃষ্ঠা
نفوسة :
في المرتفق؟! (ضحك)
ويعني ما يهفش على بالك المرتفق إلا والباب بيخبط! شوف مين اللي بيخبط.
خليفة :
حاضر (بعد قليل)
ده بلا قافية بتاع اللبن، عاوزينش حاجة؟
نفوسة (ضحك) :
سلامتك. (لنفسها)
والله طيب يا عم خليفة عمرك ما تنفع في حاجة. مانتش فالح لي إلا في الصلا والصوم والأكل والنوم. أنا عارفة مين اللي رمانا بيك؟ طول النهار قاعد لي ع الباب زي خيال المآتة. أيوة هز وسطك شوية (يدق باب الفناء)
الباب خبط تاني. مين يا ترى اللي جاي لنا في الساعة دي؟ (يدق الباب. تنادي)
অজানা পৃষ্ঠা
عم خليفة. الباب بيخبط تاني. شوف مين (يدق الباب)
إنت فين يا عم خليفة؟ (الباب يدق)
يا خليفة اختشي على عرضك شوية يا راجل يمكن جايين لنا ضيوف. يا خليفة! يا عم خليفة!
خليفة (من الفناء) :
إيه؟!
نفوسة :
يا راجل إنت جرى لك إيه النهارده؟ موش ترد؟ أما صحيح ما تختشيش. شوف مين اللي بيخبط.
خليفة :
دنا كنت باصلي العصر. هي يا ترى الصلا حرام؟ أما عجايب يا ناس!
نفوسة :
অজানা পৃষ্ঠা
شوف أما أقولك، ما تكترش أحسن والنبي ما عنديش إلا الشبشب. آه. إنت فاهم إنك سيد البيت ولا إيه؟
خليفة (من الفناء) :
الله يسامحك يا ستي.
نفوسة :
يسامحني ولا ما يسامحنيش موش شغلك. شوف مين اللي بيخبط أحسن بعدين أمشيك على العجين ما تلخبطوش.
خليفة (بعد قليل) :
ده بلا قافية راجل مسكين عاوز حسنة.
نفوسة (تحتد) :
يعني مانتش عاوزني أشرب الشيشة في راحة؟ مسكين إيه وزفت الطين إيه؟ ألبة الدماغ دي ساعة العصرية! موش تختشي يا راجل على عرضك؟
خليفة :
অজানা পৃষ্ঠা
هو بلا قافية أنا ذنبي إيه يا ستي. هو أنا قلت له يجي يخبط ع الباب، ولا كنت حتى عاوز افتح له.
نفوسة :
إقصرها أحسن يا خليفة. دا حال ما ينطأش ... ما بقاش كمان إلا الشحاتين ييجوا يقلقوا مزاج الواحد، جاتك داهية في وشك منك له.
خليفة :
ده جزا إنك طلعتيني من الصلا علشان افتح الباب؟
نفوسة :
ما اعرفش. اسكت بقى واتلهي على عينك.
خليفة :
حاضر.
نفوسة (تصفق) :
অজানা পৃষ্ঠা
ست هانم. هانم.
هانم (من الخارج) :
أفندم؟
نفوسة :
البنت بترد ولا بتجيش! هانم.
هانم (داخلة) :
نعم.
المشهد الثاني (نفوسة - هانم)
نفوسة :
جاية وإيدك فاضية؟ فين القهوة يا روحي؟
অজানা পৃষ্ঠা
هانم :
ع النار يا ستي.
نفوسة :
كنتي بتعملي إيه؟
هانم :
باغسل هدوم سيدي يا ستي.
نفوسة :
بقى هدوم سيدك ولا قهوتي؟ إنتي يا بت جرى لك إيه الأيام دي؟ شايفاكي مانتيش على بعضك مطولا لي المقاصيص ومكحلا لي العيون، وناقصة تحطي الابيض والاحمر، وكمان قهوة العصر مانتيش عاوزة تعمليها؟ هو يعني عمك خليفة من ناحية وانتي من الناحية التانية؟
هانم :
لا والنبي يا ستي. ده سيدي عفيفي ما بقاش عنده إلا قميص واحد نضيف عشان كدة قلت اما أقوم اغسل له القمصان بتوعه قبل ما يتوسخ اللي فاضل.
অজানা পৃষ্ঠা
نفوسة :
سيدك عفيفي ما بقاش عنده إلا قميص واحد (تضحك)
طيب يا اختي وانتي مالك ومال هدوم سيدك عفيفي، هي دي شغلتك ولا إيه؟ شوفي اما أقول لك، أنا واحدة علي الأسياد، ولما تطلع الجنونة في دماغي ما اسألشي على حد، إنتي سامعة؟! مافيش عندي إلا الشبشب.
المشهد الثالث (نفوسة - هانم - عفيفي)
عفيفي (من الداخل) :
إيه الزعيق ده؟
نفوسة :
هوس اسكتي. سيدك عفيفي صحي!
عفيفي (يدخل بلباس النوم وعلى رأسه طاقية) :
يعني إيه المسخرة دي؟! انتو مانتوش عارفين اني ما نمتش امبارح بالليل أبدا؟ مين دا اللي عمال يهاتي؟ (يسكتوا)
অজানা পৃষ্ঠা
مين اللي كان بيسرخ ويزعق؟ ما بتردوش ليه؟ هو أنا يعني واحد مهزأ قدامكم! مين اللي كان بيزعق؟ مين ياما؟
نفوسة :
دا المدهول على عينه خليفة والبت هانم كانوا عمالين يزعقوا سوا.
عفيفي (ينظر من الشباك) :
خليفة! يا عم خليفة! يا خليفة آه يا ستين حمار في بعضك. يا خليفة يا دقن تعيتع يا شيبة عرعر. إنت فين؟! (لنفوسة)
ما بيردش.
نفوسة :
والله وقعتك زي الطين يا خليفة.
عفيفي :
خليفة! ما ترد. إنت فين؟!
অজানা পৃষ্ঠা
خليفة :
إيه؟!
عفيفي :
غيبة طويلة يا سي خليفة. إنت فين؟ رد.
خليفة :
كنت بحط شوية برسيم للأرانب.
عفيفي :
ومين قالك تحط برسيم للأرانب؟
خليفة :
الست.
অজানা পৃষ্ঠা
عفيفي :
وأظنك ما عملتش حاجة للكلاب أبدا (لنفوسة)
شيء جميل يا أمي. برضو يصح كدة؟ هم يعني الأرانب بتوعك أحسن من كلابي. دا حال ما ينطاقشي. (لخليفة من النافذة)
وكنت عمال تصرخ وتزعق مع هانم ليه؟
خليفة :
أنا؟ أنا كنت بصرخ وبزعق مع هانم؟ ما حصلشي أبدا.
عفيفي :
أما انك راجل كداب! اطلع فوق. ياللا حالا وريني سحنتك. (لهانم)
وحضرتك ما تختشيشي على عرضك وتقلقي منامي. إنتي جرا لك إيه يا هانم؟
هانم :
অজানা পৃষ্ঠা
لا والنبي يا سيدي ما زعقتش أبدا، دي ستي اللي كانت ...
نفوسة :
اخرسي. أما بنت كدابة صحيح.
عفيفي (لنفوسة) :
موش تخليها تتكلم؟ (يدخل خليفة.)
المشهد الرابع (عفيفي - خليفة - هانم - نفوسة)
عفيفي :
قرب شوية يا سي خليفة. قرب يا حبيبي. إنت يا راجل نسيت إني أسهر الليل وأنام النهار؟ عارف كدة ولا لأ؟
خليفة :
عارف.
অজানা পৃষ্ঠা
عفيفي :
طيب لما انت عارف كدة، وعارف إنك راجل كبير في السن. يعني ما تختشيش على دقنك وتصحيني من النوم.
خليفة :
قول للست الكلام ده. هو أنا بلا قافية قلت لها تطلع خلقها علي ساعة العصرية؟!
نفوسة :
أنا يا راجل طلعت خلقي عليك؟! ما تصدقوش يا ابني. أما صحيح راجل ما يختشيش على عرضه.
خليفة (لنفسه) :
أنا برضو ما اختشيش على عرضي؟ (يضرب كف على كف)
والله عجايب يا ناس!
نفوسة :
অজানা পৃষ্ঠা
شوف اما أقول لك يا راجل. أنا لسة ما شربتش قهوة العصر ...
عفيفي (مقاطعا) :
ويعني ضروري تشربي قهوة العصر؟ ضروري يعني؟ (لخليفة)
كنت بتتخانق مع هانم ليه؟
هانم :
أبدا والنبي.
خليفة :
اسألها كنت باخانقها ليه؟
عفيفي :
إنت كنت بتتخانق معاها والحق بالطبع عليك؛ لأنك راجل قليل الحيا. إنت فاهم يعني لو طردناك من بيتنا تعرف تشتغل؟ والله يا شيخ تصبح راجل مالوش صنعة. شحات.
অজানা পৃষ্ঠা